O investimento deberá incluír como mínimo os seguintes elementos:

- Adquisición dun ordenador persoal portátil ou de sobremesa, con arquitectura semellante a x86 de 32 bits ou superior. O ordenador deberá incluír sistema operativo Linux.

- O ordenador deberá dispor de navegador de Internet en software libre tipo Mozilla Firefox version 2.0 ou superior.

- O ordenador deberá diapor de paquete ofimático en software libre tipo OpenOffice version 2.0 ou superior

- No caso de ordenadores de sobremesa poderán estar incluidos os periféricos de usuario necesarios (Pantalla, teclado, rato).

Non se considera subencionable a adquisición de licencias de softwareadicionais á suministración básica do ordenador persoal, outros perifericos (por ejemplo: impresoras, discos externos, etc), ou outro tipo de terimais (axendas electrónicas, tablet PC, teléfonos móviles, etc).

Entenderase como investimento subvencionable os custos en que incurra cada beneficiario como consecuencia da subministración por parte dalgunha das entidades colaboradoras, sempre que a adquisición e posterior mantemento da propiedade se realice cumprindo todos os requisitos e trámites aquí establecidos.

Beneficiarios.

Poderán solicitar e beneficiarse destas axudas os traballadores por conta propia de Galicia, dados de alta no Rexime Especial de Traballadores Autónomos da Seguridade Social, con domicilio e alta fiscal no IAE para a súa actividade ecónomica en Galicia,

agás os comerciantes retallistas, dado que existen liñas de axuda desta consellería específicas para ese colectivo e para os mesmos investimentos. De acordo co que antecede consideraranse excluídos os comerciantes detallistas que estean incluídos dentro das agrupacións ou epígrafes correspondentes á clasificación do imposto de actividades económicas relacionadas no anexo III desta orde.

Para ser beneficiario deberán acreditar o pagamento da correspondente cota á Seguridad Social do mes anterior á solicitude, así como declarar a epígrafe e localidade en que ten a súa alta censual no imposto de actividades económicas.

Financiamento e concorrecia.

A axuda acadará o 45% do investimento subvencionable, con límite máximo de 350 € para cada solicitante. O investimento subvencionable determínase aplicando a porcentaxe de axuda sobre a base impoñible, exluíndo o IVE correspondente, que deberá ser aboado na súa totalidade polo beneficiario.

Forma e prazo de presentación das solicitudes dos traballadores autónomos.

• Copia do DNI ou NIE, en vigor, en que deberá constar o enderezo dentro da Comunidade Autónoma de Galicia.
• Copia de documento de pago mensual á Seguridade Social do mes anterior á solicitude, de Réxime Especial de Traballadores Autónomos.
• Identificación, por declaración do solicitante, da epígrafe do IAE e localidade da Comunidade Autónoma de Galicia en que se atopa dado de alta censual no IAE.
• Exclusivamente para o caso de que o DNI ou NIE non acredite o domicilio dentro da Comunidade Autónoma de Galicia, deberá requirirse do solicitante a presentación de certificado expedido pola Axencia Estatal da Administración Tributaria en que figure o domicilio fiscal do solicitante. A antigüidade máxima deste certificado será de 3 meses.